Latest News

Chanchin thar thenkhat :

Hri kai hmuh belh awmlo

Pathianni khan Mizoram-ah Sample 233 enfiah niin hri kai hmuhchhuah an awmlo a, heng Sample enfiah te hi District hrang hranga TrueNat Laboratory-ah Sample 12 leh Rapid Antigen Test hmangin Sample 221 te an ni a, ZMC Laboratory-ah Sample enfiah a awmlo thung. Nimin khan Mizoram-a hri kai enkawl mi 3 te chu hri lakah fihlimin anmahni enkawlna hmun atanga chhuahtir an ni a, heti hian nimin thleng khan Mi-zoram-a hri kai hmuhchhuah chu 4423 niin an zinga 4396 te chu enkawl dam an ni tawh a, hri kai hmuhchhuah atanga za zela 99.38 te chu enkawl dam ni tawhin hri kai enkawllai 17 an la awm a, hri kai zingah nunna chan mi 10 an awm tawh bawk a ni.


National Science Day hmang

Nimin khan ‘National Science Day’ pualin Home Minister, Lalchamliana hovin Synod Conference Centre, Aizawl-ah hun hman a ni a, he hunah hian Home Minister chuan Indian Scientist, Physics lama mithiam, Dr. C.V. Raman-a’n Raman Effect a lo hmuhchhuah denchhena National Science Day hman a ni thei chu lawmawm a tih thu sawiin, India ram State naupang ber te zinga mi Mizoram-ah pawh Science & Technology lama hmasawnna hmuh theih-a a awm chho zel chu lawmawm a tih thu a sawi bawk. National Science Day hi Feb. 28-ah hman thin a ni.


KVK in Training buatsaih

Central Institute of Horticulture (CIH), Med-ziphema (Nagaland) bultumin nimin March 1, 2021 khan KVK North Vanlaiphai chuan Serchhip District-a Lungkawlh leh Bawktlang khua ah te ‘Off-Season Vegetables Cultivation’ leh ‘Diseases & Pest Managment of Common Vegetables’ tih thupui hmangin kuthnathawktute tan Training an buatsaih a, KVK North Vanlaiphai-a Senior Scientist & Head, Dr. T. Vanlalngurzauva chuan he hun hi kaihhruaiin he huna tel kuthna-thawktu mi 35 te chu KVK-a mithiam ten zirtirna an pek bakah an thil zir a taka tihchhin a ni bawk.


PC in Campaign dan tur thlir

Peoples' Conference (PC) Party chuan nimin khan Aizawl-a an Office-ah OB Meeting neiin Serchhip bial bye-election awm tura Campaign beihpui thlak dan tur an sawiho a. He hunah hian an President, Lalhmangaiha Sailo chuan an Party in Candidate an siam avangin Serchhip bial chhunga Brig. T. Sailo policy nghet taka vuan tlattu PC Party mi leh sâ te an phurin thahnem an ngai tawh hle niin a sawi.


'Consumer Virthli' tlangzarh

Food, Civil Supplies & Consumer Affairs Department in Consumer te tana E-Newsletter, ‘Consumer Virthli’ tih an buatsaih chu nimin khan FCS&CA Director, Dr. Lalhriat-zuali Ralte chuan a tlangzarh a, he e-Newsletter hi Consumer te dinhmun chawikana a awm chhoh zel theih nan Consumer Welfare Fund atanga buatsaih niin fcsca.mizoram.gov.in-ah download theih a ni bawk.

Comments

Popular News (Last 30 Days)