Latest News

AMC Councillors thar lalut

Aizawl Municipal Corporation (AMC) inthlanna neih zawh taka Councillors thlantlin mi 19 te chu nimin khan rinawmna thutiam tira lakluh niin AMC Mayor leh Deputy Mayor bakah Executive Councillors mi 4 te pawh lakluh nghal an ni bawk.

AMC Councillors te lakluhna inkhawm hi AMC Office, Board of Councillors Hall-ah neih niin Municipal Commissioner Pu K. Laldingliana chuan Councillor thlantlin hming leh an Ward te a chhiar a. Hemi hnu hian Aizawl District Magistrate, R. Lalramnghaka, IAS kaih-hruaina hnuaiah Councillors atana thlantlin te chuan rinawmna thutiam an la a. AMC enkawlna dan in a phut angin AMC Mayor leh Deputy Mayor thlanna neih nghal a ni a, AMC Mayor atana Ward-I Councillor, Lalrinenga Sailo thlan niin Deputy Mayor atana Ward-XII Councillor, R. Thanglura chu thlan a ni a, anni hian he Office atana thutiam chu an la nghal a ni.

Mayor hian Executive Councillor atana Councillor 4 a ruat a, chungte chu – Ward-II Councillor Lalringliana; Ward-IV Councillor Laltlanzova Khiangte; Ward-IX Councillor B. Lalawmpuii leh Ward-XI Councillor H. Zonunsanga a ni a, anni pawhin thutiam an la bawk a ni.

Comments

Chhiar Hlawhte