Lenkawl

Sept. 29, 2013-a Ranchi, Jharkhand-a khelh zawh tak, 49th Junior National Football Championships for BC Roy Trophy-a champion, Mizoram Team-a tel, PC. Vanlalremruatpuia, Serchhip Bazar chuan Inrinni khan Serchhip rawn thlengin a khelhna, Hmar Veng FC huaihawtin ropui taka lo hmuah a ni a, Mizoram Team-ah hian Serchhip District a\angin PC. Vanlalremruatpuia bakah Vanlalbiaa Chhangte, Hriangtlang, tuna Chanmari West FC-a khel mek te chu telin Vanlalbia Chhangte erawh ala rawn hawlo thung a ni.

Election Commission of India in Mizoram Assembly inthlanpui  neih hun tur Dec. 4, 2013 leh Vote chhiar hun tur Dec. 8, 2013 a a ruat chu Mizoram Synod hruaitute chuan sawn leh nise an duh thu an sawi.

Science Teachers Association Mizoram (STAM) chuan Hydel Project siam hian ram leilung, sik leh sa bakah nungchate ah nasa taka nghawng a neih vangin hmathlir thui tak neia ruahmanna siam a tul a ni, an ti.

Thla hlui ni 30 a\anga Tripura Relief Camp pahnih-Naisingpara leh Asapara a\anga Bru laklet lehnaah chuan Mizoram-ah Bru chhungkaw 100 an lokir.

National Population Register siamna tura Biometric Enrolment chu Inrinni zing a\ang khan Mizoram-ah bul \an a ni a, Chief Minister Pu Lal Thanhawla chu a chenna bungalow-ah kal chilha chhinchhiah hmasak ber a ni.

Faina Hapta hman mek denchhen in Urban Development & Poverty Alleviation Department, Serchhip chuan Dt. 4th Oct. 2013 chawhnu dar 3:00 khan Serchhip DC Conference Hall-ah “FAI HI MITININ KAN TLIN A NI” tih thupuia hmangin Serchhip Town Area “Inter-High School Debate” a buatsaih a, High School paruk he intihsiakna ah hian an tel a ni.

Election Commission of India (ECI) chuan Mizoram Legislative Assembly inthlanpui neih hun atan December 4, 2013 a ruat fel ta a, inthlan chuh tumte tan Nov. 16, 2013 thlengin hming pekluh theih a ni ang.

Information & Communication Technology Minister, Pu Zodintluanga chuan nimin khan Mizoram State Data Center, Secretariat Building Annex-1, Treasury Square-ami chu a tlawh.

Labour & Employment Minister Pu Lalrinliana Sailo chuan nimin (4th Oct. 2013) khan Serchhip DC Conference Hall-ah kuthnathawktute \anpuina Labour Welfare Fund a sem a, nimin a \anpuina dawngtute hi mi 671 niin tangkafai Rs. 24,62,000 semchhuah a ni.

Mizoram-a a 4-na turin Champhai-a Chhangphut Foirld-ah Artificial Grass phah hna chu thawh tan a ni ta.

Federation of Mizoram Government Employees & Workers (FMGE &W) in sorkar an ngen angin tunhnaia sorkar hnathawk nuar te hlawh cut dsak tura Order tihchhuah tawh chu sut leh a ni.

Zoram Nationalist Party (ZNP) President Pu Lalduhoma chuan “Chief Minister \hutthlenga \hu thlak ringawt hian kan hnam damna a awm lova, keini chuan a system thlak hi kan zuar a ni,” a ti.

Zirna In-a naupangte dikna leh chanvo humhim a nih theihna tura hma la turin Serchhip District-a zirna In ah Nodal Teacher for Protection of Child Rights chu ruat vek an ni tawh.

Damdawi In bawlhhlawh sangbawl dan leh thehthang dan bakah danin a phut thil chi hrang hrangte zirhona tur chu nimin khan Aizawl-a I&PR Conference Hall-ah neih a ni a, Vawiin ah chhunzawmin zawhfel a ni ang.

Mizoram Women Workers Union Chairperson nia insawi Helena Lalsawmkimi chuan, Chiahpuam sum hi nuai 4000 vel chu bo tawh angin kan ngai a, he thil titute hi man chhuak turin sorkar kan ngen a ni' a ti.

Mizoram sorkar chuan Hmunphiah a\anga chhiah/royalty a lak \hin chu Re.1 a tihhniam a remti.

ZNP President Pu Lalduhoma, MLA chuan “Political Party reng reng kan thawhpui dawn lo tih hi zaah-za (100%) in kan chiang tawh a. ZNP ni lo, pawn lam mi min puih tumtu ten keini aiin thawhpui neih an hlau zawk a ni” a ti.

Chief Minister Pu Lal Thanhawla chuan miretheite khaichhuahna  tura Mizoram sorkarin NLUP a kalpui mek ah sum hman tur a tam tawk tih sawiin, “NLUP Third leh Fourth Phase te pawh kan kalpui zel dawn,” a ti.

Chief Minister Pu Lal Thanhawla chuan nimin khan Rural Land Use Plan for New Land Use Project (RLUP for NLUP) (Mizoram ram \heh leh hman \angkai dan) tih lehkhabu chu a tlangzarh.

Kum 2000 - 2013 (kum 14 chhung) inkar chhungin Human Trafficking (Mihring hmanga sumdawnna) tuartu mi 21 Mizoram Police ten an chhanchhuak tawh a, heng chhanchhuah mi 21 te zinga mi 12 te chu Aizawl District chhunga khawsa an ni.