Latest News

NLUP Third Phase leh Fourth Phase te kalpui zel tum a nih thu Chief Minister in a sawi.

Chief Minister Pu Lal Thanhawla chuan miretheite khaichhuahna  tura Mizoram sorkarin NLUP a kalpui mek ah sum hman tur a tam tawk tih sawiin, “NLUP Third leh Fourth Phase te pawh kan kalpui zel dawn,” a ti.

    He thu hi nimin a Govt.High School Field, Aizawl Zarkawt-a NLUP Auto Rickshaw semna hun a hmanpuina ah sawiin Chief Minister Pu Lal Thanhawla chuan NLUP atan sum hman tur a tam tawk tih tarlangin, tunah hian sanction tawh sa la hman loh cheng vbc. 100 chuang leh kum 2013-14 atana Planning Commission in a rawn released tawh cheng vbc. 370, a vaiin vbc. 470 chuang hret hman nghal mai theihin a awm a ni, a ti a, Central sorkar hruaitute thinlungah thawktu a awm avangin NLUP atana Mizoramin sum a dawn chu beisei aia tam a ni, tih sawiin, he project hi kan hlawhtlinpui ngei tur a ni, a ti bawk. Hei bakah hian Pu Lal Thanhawla chuan NLUP chu India ram ah chauh ni lo, ram pawn thlengin mithiam ten an ngaihven tih sawiin, tunah hian international organisation 3 - Food & Agriculture Organization (FAO), United National Industrial Development Organisation (UNIDO) leh International Fund for Agriculture Development (IFAD) te nena thawhhona tur kawng ruahman mek a nih thu a sawi a, NLUP hian khawvel in a buaipui em em - ei leh bara intodelh te, leilung leh boruak chhe mek siam that lehna te tuihna kangchat mek siamthar lehna te a tinzawn tih hria a University of Minnesota chuan FAO Hqrs, Rome ah report an thehlut tawh tih sawiin, chumi rawn zirchiang turin India rama FAO Representative Peter Kenmore leh a thuihruai mithiam ten tun thla chhung hian Mizoram an rawn tlawh dawn a ni, a ti bawk.
    Nimin a Aizawl a\anga Auto Rickshaw vailiam te hi Aizawl Champhai leh Mamit district khaw hrang hrang a mite dawn tur niin a vaiin 63 a ni a, nimin a sem chhuah te nen hian NLUP hnuaia Auto Rickshaw sem tawh zawng chu 251 a ni. Nimin a Auto Rickshaw semna ah hian NIB Chairman Pu R.Sel\huama’n Welcome Speech a sawi a, Industries Director Pu Biaktluanga, IAS in Technical report pe in Pu P.L.Thanga, NIBVice Chairman in lawmthu sawiin hun a khar a ni.

Comments

Popular News (Last 30 Days)