Bru raltlan laklet hunah chhungkaw 100 te lo kir.

Thla hlui ni 30 a\anga Tripura Relief Camp pahnih-Naisingpara leh Asapara a\anga Bru laklet lehnaah chuan Mizoram-ah Bru chhungkaw 100 an lokir.

Mamit SP Pu Rodingliana Chawngthu sawi danin tun \umah hian chhungkaw 121 lokir tura ngaih a nih laiin invauna thawmte a awm avangin rin aia tlem an lokir a, chhungkaw 100 lokirte hi mihring 616 an ni. Tunah hian Khakchangpara, Kaskau leh Hampsapara camp a\angin chhungkaw 75 vel chuan lokir an duh thu an sawi nia hriat a ni a, hengte hi October ni 14 a\anga laklet leh \an ni se tia ruahman chhin a nih laiin puja avangin Tripura lam official-te’n an buaipui hman loh tur thu an sawi avangin October ni 16 emaw 17 emaw a\anga laklet leh hna hi \an tum chhin a ni. Bru Coordination Committee hruaitu Pu Elvis Chorkhy chuan Relief Camp-a mi \henkhat te’n Mizorama kir duhte hi an rikrap niin a sawi a. Tun \uma lokir zinga mi Luaia In chu Pathianni zan khan misualin an \hiah sak a, an bel te pawh an vaw chhe vek niin a sawi a. An inrikrap avang hian Mizorama kir tum engemawzat an tim nia an hriat thu a sawi bawk.