RLUP for NLUP lehkhabu Chief Minister in tlangzarh.

Chief Minister Pu Lal Thanhawla chuan nimin khan Rural Land Use Plan for New Land Use Project (RLUP for NLUP) (Mizoram ram \heh leh hman \angkai dan) tih lehkhabu chu a tlangzarh.

He lehkhabu tlangzarhna inkhawm Chief Minister Conference Hall-a neih ah Chief Minister Pu Lal Thanhawla chuan “Ram \heh dan mumal tak kan neih loh \hin avangin buaina tam tak kan tawk \hin a, hetianga taima taka hun hlu tak senga khaw 600 chuang tlawh a, lehkhabu siam a ni thei ta hi a siamtu Dr. James L.T. Thanga, Project Director, RLUP for NLUP leh a thawhpuite thawhrimna avangin lawmthu ka sawi a ni” a ti bawk. He hunah hian he lehkhabu buatsaihna atana puipa ber leh sulsutu Dr. James L.T. Thanga, Project Director, RLUP for NLUP chuan Mizoram in Dan mumal a neih loh vanga harsatna awm \hin sutkian nan leh hman \angkai turin lehkhabu Volume 3 an siam chu hautak hle mahse ram mipui tan \angkai ngei tura beiseina avangin lawmawm a tih thu a sawi a, NLUP Implementing Board ten a \ul apiangah harsatna awm lova an puihna ah lawmthu a sawi bawk. He lehkhabu hi Chief Minister-in Mizoram mai nilo, state dangte tan pawh a tangkai tura a ngaih avangin central hotute bakah Planning Commission Vice Chirman hnenah advance copy a lo pe tawh a ni. Mizoram Gazette ah August 30, 2013 khan Mizoram Governor chuan Revenue Department Officer-te hnenah NLUP dawngtute chu kum 2 chhung ram hawh tir dan leh an hnathawhin a zir chuan pawhsei zel dan a lo siam sak tawh a ni.