ZNP in Party dang thawhpui dawnlo tih chiang tawh niin sawi.

ZNP President Pu Lalduhoma, MLA chuan “Political Party reng reng kan thawhpui dawn lo tih hi zaah-za (100%) in kan chiang tawh a. ZNP ni lo, pawn lam mi min puih tumtu ten keini aiin thawhpui neih an hlau zawk a ni” a ti.

ZNP President Pu Lalduhoma hian nimin chawhnu lam khan MLA inthlanpui lo awm tura Candidate a tana sawmtu Serchhip bial a rawn thleng a. Party mipuite’n lo hmuakin inkawmkhawmna hun Serchhip a neihah he thu hi a sawi a ni. He hunah hian Pu Lalduhoma chuan “Political party dang hi an zam a, an mite thlamuan nan ‘ZNP nen kan thawkho dawn, ZNP a luh kher a ngai lo’ an ti mek a, an sawi tam zawh pauh leh an zam zia an tilang mai a ni,” tiin “Political party reng reng kan thawhpui dawn lo a, bawlhhlawh la kai lo \halai rual leh Neutral mipui nen kan thawkho dawn a. Tun hma chuan Zoram mipui hian Politician te hi mi bumhmang, eiruk hmang ni hian an hmu \hin. Tunah chuan mak tak maiin ZNP-ah hian mipuite’n beiseina leh rinna thar an nei nasa em em a ni” a ti bawk. ZNP President hi Serchhip-a an Party hruaitu \henkhat ten an lo dawngsawng a, hemi hmalam hian Serchhip biala ding tur hian ZNP hian sawm tawhin Serchhip-a ZNP hruaitute chuan a rawn din ngei an rin thu an sawi bawk a ni.