Latest News

Hydel Project-ah hmathlir neih duh

Science Teachers Association Mizoram (STAM) chuan Hydel Project siam hian ram leilung, sik leh sa bakah nungchate ah nasa taka nghawng a neih vangin hmathlir thui tak neia ruahmanna siam a tul a ni, an ti.
Inrinni khan Aizawl Press Club ah chanchinbumite kawmin STAM hruaitute chuan tunah hian Tuirial leh Tuivai tiamin kan ram lui lian deuh deuh 8 vel khuah leh tuma hmalak mek a ni a, heng a\anga power pekchhuah theih zat hi 2500 MW zet a tling a. Tuna kan ram mamawh hi 70MW vel niin kan ngai a, tuna kan mamawh let 3 hi kum 100 hnuah pawh kan mamawh ang em tih ngaihtuah tham a ni a, chuvangin ram chim tlem tur leh leilung tichhe tlem tur ang chi Kolodyne ah te hian insawrbing mai a \hain kan hria a ni, an ti. STAM hruaitute chuan ramngaw chereu zel vangin tuihna kan nei chhe tial tial tih pawh sawiin, ‘chutih laiin kan ram chuan kumtin ruahtui buaipui tham kan dawng reng a, hengte hi khawl tura kan inzirtir a \ul a, ruah tui khawlkhawm dan hmang tel ngei tura building regulation kan neih a hun tawhin kan hria a ni,’ an ti bawk a. Mizo loneih dan \hin shifting cultivation chu kan thlak tak tak dawna a lan loh vangin mithiam ten ngaihtuahna senga parmanent system a kan thlak \haa an hriat thu pawh an sawi bawk.

Comments

Popular News (Last 30 Days)