Latest News

Assembly thutkhawm ah kum 2021-2022 Mizoram Budget cheng vbc. 11,148.89 pharh a ni

Finance changtu Chief Minister Zoramthanga chuan nimin-a Assembly thutkhawm ah kum 2021-2022 atana Mizoram sawrkar sum ruahman (budget estimate) cheng vbc. 11,148.89 chu House-ah a pharh a, hemi rual hian 2020-2021 chhunga sawrkar sum indaihlohna phuhrukna tur cheng vbc.2320.79 a pharh nghal bawk.

Mizoram State Data Centre siam mek tlawh

Information & Communication Technology Minister, Pu Zodintluanga chuan nimin khan Mizoram State Data Center, Secretariat Building Annex-1, Treasury Square-ami chu a tlawh.
Mizoram State Data Center hi sorkar department hrang hrangten data leh information pawimawh zawng zawng, hmun khata an dah\hatna tura ruahman a ni a; hei hi thu pawimawh dah\hatna him zawk leh department hrang hrangten a hrana server hautak neih an pumpelhna tur a nih dawn bakah, mipuiten sorkar a\anga an hriat duhte awlsam takin an hmu thei tawh dawn a ni a, tunah hian he Data Center-ah hian data hi 20 terabyte dahluh theih tura ruahman niin, hei hi 40 terabyte thlenga tihlen theih a ni anga, nikhatah darkar 24 chhung hna thawk thei tur niin, Tranformer bakah Generator 100 KV pathum bun a ni bawk. StateData Center hian venhimna (security/firewall) \ha tak neiin, chhiatrupna emaw harsatna pawh tawk se, back-up hi Delhi-ah a awm avangin, data leh information pawimawh dah\hatte chu hmuh let leh vek theih an ni dawn a ni. Mizoram State Data Center hi sorkar laipuia Department of Electronics & IT in a sakna tur sum, cheng vbc. 30.88 tumin; Mizoram sorkara Department of Information & Communication Technology hnuaia Mizoram State e-Governance Society chu Implementing Agency a ni a; a sak hna hi Prithvi Information Solution Pvt. Ltd., Hyderabad-in an thawk a, June 2012 a thawk \anin, Oct. 2013 chhunga zawhfel tura beisei a ni.

Comments

Chhiar Hlawhte