Lenkawl

Information & Public Relations Department Director K. Vanlalsangi chuan nimin khan lehlang in Serchhip a rawn tlawh a, Serchhip-a District Information & Public Relations Officer (DIPRO) R. Vanneihtluanga leh a thawhpuite bakah MJA Serchhip District hruaitu ten an lo dawngsawng a, Serchhip-a DIPRO Office chung siamthat hna thawh mek chu a hmunah enfiahin hnathawktute chuan khaw awmdan in a zir chuan chawlkar khat chhunga zawhfel hman an beisei tawh thu an lo hrilh a. I&PR Department-a thawktute nen an hnathawh chungchangah an inkawm nghal bawk a ni.

Serchhip District-a Chief Minister’s Rubber Mission Phase-II kalpui mekah Rubber tiak semchhuah mek niin tun thla chhunga sem zo hman turin ruahman a ni.

Bible Society of India (BSI) Serchhip South Area Meet vawi 17-na chu nimin khan Presbyterian Serchhip Bazar Kohhran Biak In-ah neih a ni. BSI Serchhip South Area Meet hi chawhma lamah Vice President Upa PC. Lalhmunmawia chuan kaihruaiin Secretary, C…

Khawvel puma ruihhlo hman leh tawlhruk dona ni, International Day Against Drugs Abuse and Illicit Trafficking pualin nimin, June 26, 2026 khan Serchhip khawpui chhunga YMA hruaitute tan ruihhlo dona kawnga hmalak dan tur leh hemi kaihhnawiha Dan leh hrai inzirtirna neih a ni.

Home Minister K. Sapdanga chuan a enkawl thin DP&AR a chan zui tawh loh chungchang chu Chief Minister thuneihna liau liau a ni tih sawiin, DP&AR enkawl chu a hautak hle tih midang kuta a awm ta chu lawmawm a tih thu a sawi a. NDA zawm chungchangah Chief Minister nen an ngaihdan a in-an thu a sawi bawk.

State Transport Authority (STA) chuan thla thar July ni 1, 2026 atanga hman tan tur ‘Mizo Taxi App’ hnuaia inziaklutin mamawh a phuhru lo anih chuan Permit thar pek tum a nih thu an sawi.