Bible Society of India (BSI) Serchhip South Area Meet vawi 17-na chu nimin khan Presbyterian Serchhip Bazar Kohhran Biak In-ah neih a ni. BSI Serchhip South Area Meet hi chawhma lamah Vice President Upa PC. Lalhmunmawia chuan kaihruaiin Secretary, C. Lalrammuana hnen atangin an Area chhunga an chetvelna leh hma an lakna hrang hrangte ngaihthlak a ni a, an Vice President Upa R. Vanlalhruaia hnen atangin thuchah ngaihthlak a ni bawk. Chawhnu lamah Asst. Secretary Upa Lalawmpuia Pachuau kaihhruaiin hun hman leh a ni a, Financial Report ngaihthlak a nih bakah an President, Upa R. Vanlallawma hnen atangin Pathian thuchah ngaihthlak a ni bawk a, chawhma leh chawhnu-ah hian mimal leh Zaipawl zai te ngaihthlak a ni bawk. He hunah hian Area huamchhunga BSI Collector leh Life Member leh Patron Member te bakah Kohhran hrang hrang aiawhte an tel bawk a ni.
