CM Rubber Mission hnuaiah Rubber tiak sem mek
Serchhip District-ah hian Chief Minister’s Rubber Mission Phase-II hnuaiah hian ram hectare 100-a zau ah Rubber hi chhungkaw 81 ten ching tura ruahman a ni a, Bellei Mual, Thenzawl-a ram hectare 43-a zau ah te; Zuangleng Zau, Serchhip-a ram hectare 22-a zau ah te; Zawlpui Zau, Serchhip-a ram hectare 20-a zau leh Saphai Zau, Keitum-a ram hectare 15-a zau ah te Rubber hi phun tura ruahman a ni a. Tunkar Thawhlehni khan Bellei Mual-a Progress Partner te hnenah Rubber tiak hi sem niin Thawhlehni khan Zuangleng Zau-a Progress Partner te hnenah sem leh a ni a, Rubber tiak hi Hectare khat (1)-a zau-ah Seedling 450 zel sem a ni a, Zau dangah pawh hian June thla chhunga sem zawh hman turin hmalakna kalpui mek a ni bawk.