Kum 2024-2025 ah ILP pekchhuah 2,78,087 a awm
Smart City hmachhawp chhunzawm turin Mizoram Urban Development Agency Ltd. (MUDAL) din a ni
Mizoram-a chhungkaw 78,992-ah Electric Smart meter vuah
Footballer of the Year-ah LZ Chhangte
Petrol leh Diesel Cess atangin PWD in sum hmu lo
PWD Minister Vanlalhlana’n kawngpui siamna atana Petrol leh Diesel cess lak atangin kum 2025-2026 inkarah Finance Department atangin PWD-in sum hmuh a nei lo niin a sawi.
Raltlan 38,213 chhinchhiah
Home Minister K. Sapdanga chuan kumin August ni 20 thlengin Mizoram-a raltlan lo lut chhinchhiah 38,213 an awm thu Assembly thutkhawm ah ziaka zawhna chhangin a tarlang a, Mizoram-a raltlan lo lut chhinchhiah zingah hian Myanmar mi 29,575 awmin Manipur atanga lo lut 6959 leh Bangladesh atanga lo lut 1679 an nih thu a tarlang bawk. Home Minister chuan Mizoram-a Myanmar raltlante Biometric enrolment-a chhinchhiah hna chu 98.90% zawhfel tawh a nih thu leh Bangladesh raltlan biometric enrolment-a chhinchhiah hna chu 100% zawhfel a nih thu a tarlang a, Mizorama raltlan lo lut te chu State Sawrkar in District tina DC te kaltlangin chhawmdawl hna a thawk mek zel a, an awmna tur Relief Camp siamsak niin an eitur buhfai leh mamawh dang pawh pek thin an ni, a ti bawk.
2024 hnua ruihhlo man tam
Excise & Narcotics Minister Lalnghinglova Hmar chuan kum 2024 hnu ruihhlo man hlut zawng chu Rs. 203,65,84,400/- a nih thu Assembly thutkhawm zawhfel taka zawhna ziaka a chhanna ah a tarlang a, ruihhlo hi chi hrang hrang niin Myanmar ramri atang…