Mizoram-a chhungkaw 78,992-ah Electric Smart meter vuah
Power & Electricity Department changtu Minister F. Rodingliana chuan Assembly Session neih zawh takah khan MNF Member Lalchhandama Ralte zawhna ziaka chhangin, Electric Smart Meter vuah hi tih ngei ngei ngai (mandatory) a nih thu a tarlang a; Smart Meter vuah hi Mizoram puma District zawng zawngah kalpui mek a ni a, Consumer Meter 78,992, Distribution Transformer Meter 1,274 leh Feeber Meter 326 chu Smart Meter-a thlak an nih tawh thu a tarlang a ni.
Mizoram-a Electric Smart Meter vuah hna hi M/s Satnam Global Infraprojects Ltd., Delhi ten an thawk mek tih P&E Minister chuan tarlangin, Revamped Distribution Sector Scheme (RDSS) hnuaiah Smart Metering Works atan Rs. 180,59,20,000 leh Information Technology/ Operational Technology (IT/OT) Works atan Rs. 9,79,00,000 sanction hmuh a ni tih a tarlang a; RDSS hnuaiah hian mi 177 traning pek an nih tawh thu a tarlang bawk.