Raltlan 38,213 chhinchhiah

Home Minister K. Sapdanga chuan kumin August ni 20 thlengin Mizoram-a raltlan lo lut chhinchhiah 38,213 an awm thu Assembly thutkhawm ah ziaka zawhna chhangin a tarlang a, Mizoram-a raltlan lo lut chhinchhiah zingah hian Myanmar mi 29,575 awmin Manipur atanga lo lut 6959 leh Bangladesh atanga lo lut 1679 an nih thu a tarlang bawk. Home Minister chuan Mizoram-a Myanmar raltlante Biometric enrolment-a chhinchhiah hna chu 98.90% zawhfel tawh a nih thu leh Bangladesh raltlan biometric enrolment-a chhinchhiah hna chu 100% zawhfel a nih thu a tarlang a, Mizorama raltlan lo lut te chu State Sawrkar in District tina DC te kaltlangin chhawmdawl hna a thawk mek zel a, an awmna tur Relief Camp siamsak niin an eitur buhfai leh mamawh dang pawh pek thin an ni, a ti bawk.

Home Minister K. Sapdanga chuan Raltlante enkawlna atana Sawrkar-in Rs 2,85,39,611/- a seng tawh tih tarlangin, Raltlan (Refugee) chungchangah Ministry of Home Affairs atangin tunhnaiah thuchhuah thar dawn a awm lo tih a tarlang bawk.