Kum 2024-2025 ah ILP pekchhuah 2,78,087 a awm
Mizoram Legislative Assembly Fur thutkhawm zawhfel taka zawhna ziaka a chhanna ah Home Minister K. Sapdanga chuan Kum 2024-2025 inkarah ILP pekchhuah atanga sum hmuh zat chu Rs. 11,78,42,160/- a ni tih sawiin, Sairang Rel Station hawn September 2025 atanga July 2026 chhungin ILP 2,15,946 pekchhuah a nih thu a sawi bawk a. ILP pekchhuah atanga sum hmuh zawng zawng chu Rs.8,80,67,100/- a nih thu a sawi bawk.
Home Minister K. Sapdanga chuan Dan ang thlapa ILP neia hnathawk hnamdang Mizoram-ah mi 13,730 an awm thu pawh tarlangin, ILP tawp hnu thlenga awm chhunzawm manchhuah an nih chuan Eastern Bengal Frontier Regulation (EBFR) Act, 1873 hmangin Police Station-ah case siam sak thin niin hemi hnu hian District Court-ah thawnin Court hian pawisa chawitir emaw, thawnlet turin an chungthu rel thin tih a sawi a. Kum 2026 chhungin ILP nei lo leh ILP fel lova lut mi 934 manchhuah an ni tawh tih a tarlang bawk.