Rimawi Award (Gospel) sem a ni

MZI leh LPS Vision tangkawp buatsaih Rimawi Award - (Gospel) chu December ni 4, 2025 zan khan LPS Arena-ah sem chhuah a ni a. H. Vanlalhlana hnenah Lifetime Achievement Award hlan niin, Esther Hnamte hnenah Special Award hlan a ni bawk.

Zorema Khiangte-in Best Male Artist (Gospel) bakah 'Khi vanah khian' tih hla hmangin Song of the Year Award a hum haw a. LPS Youth Icon hmasaber Zoramchhani'n Best Female Artist Award a hum haw bawk.

Best Group/Duo chu Youth Icon star Peter Lalnunpuia leh RPA Chhakchhuak ten an dawng a. Zaipawl lamah Mizoram Synod Choir chu Choir of the Year an ni a. Pathian fakna hla tha tak tak tam tak phuahtu - C Lalzarmawia'n Best songwriter (gospel) Award a dawng bawk.

December ni 5, 2025 zanah hian Rimawi Award (Lengzem/Lenglawng) sem chhunzawm a ni leh ang.