MPSC siamthat hnatlang ti tawp

MZP ten MPSC siamthat hnatlang an neih chu Vawiin tlai hian an titawp ta.

Mizo Zirlai Pawl (MZP) chuan Mizoram Public Service Commission (MPSC) a buaina tam tak awm avanga siamthat hnatlang ni nga (5) chhung ngawt a neih hnuah vawiin khan DP&AR Secretary kaihhruainain meeting neih a ni a, Mizoram sorkarin MZP ngenna MPSC Reform Commission/Committee din rawh se tia ngenna angin, DP&AR changtu Chief Minister chuan *Committee to review the recruitment framework and process for public recruitment in the Government of Mizoram* a din ta chu lawmawm a ti takzet a.

MZP chuan, MPSC siamthat hnatlang a koh chu ORDER a chhuah tak avangin Pisa kai dan a hmalak mekna chu a ti tawp a, he commitee in a tuna buaina hrang hrang MZP in a tarlan hrang hrangte hi fel fai taka chin fel anih theih nan commitee a awm zawng zawngte a ngen a ni.

MZP chuan, he committee in MZP a mamawhna apiangah chet chhuah a in peih reng a, MPSC a harsatna nei zirlaiten a rawn thlen zawng zawngte chu he committee hian fel fai tak leh dik taka a hmuhchhuah ngei a ring tlat a ni.

MPSC siamthatna hnatlanga rawn kal zirlaite leh Mizoram mipui thlawpna avangin MZP chuan lawmthu a sawi tak meuh meuh a ni.