Serchhip-ah Carrom intihsiakna neih tan a ni
Mizoram Carrom Association (MCrA) leh Serchhip District Carrom Association (SDCA) te tangkawp buatsaih ‘Serchhip Carrom Invitation & Ranking Championship’ chu nimin khan New Serchhip YMA Hall-ah khelh tan a ni a, naktuk October 30-ah zawhfel tura ruahman a ni. He inelna ah hian Category 5- Men's Singles, Men's Doubles, Women's Singles, Women's Doubles leh Veteran Singles-ah te inelna neih a ni a, Mizoram hmun hrang hrang Aizawl, Cham-phai, Kawlkulh, Kolasib, Hnahthial, Khawhai leh Siaha bakah Serchhip atangin Carrom thiam mi 80 zet an tel a ni.
