Lenkawl

India hmarchhak State tih hmasawnna tura Bank hrang hrang leh Sawrkar hotute inrawnkhawmna hun,'North East Bankers' Conclave 3.0' chu niminpiah khan Aizawl-a Mizoram University Auditorium-ah neih a ni a, 'Fuelling the Growth Engine' tih chu thupui atan hman a ni.

Chief Minister Lalduhoma chuan khualzin tam zawk kan neih zel theih nan sawrkar laipui nena tangdunin tunah hian hmun hrang hrangah cheng vbc. 681.16 man Infrastructure siam mek a ni tih sawiin, Tourism lama hmasawnna atan mipuite nena tangruala kal (Community Based) an uar thu a sawi bawk.

Chief Minister Lalduhoma chuan Bank leh Sawrkar thawhhona a that lehzual nan Mizoram ‘One Department, One Bank’ ruahmanna kalpui tan a nih thu a sawi.

PM-DeVINE Scheme kaltlanga ‘Aizawl By-pass on Western Side’ laih mek chu nimin khan Union Minister of State for Education and Development of North Eastern Region Dr. Sukanta Majumdar chuan a hmunah a tlawh.

Sawrkar laipui hmalaknaa neih mek, Yuva Sangham Youth Exchange Programme hnuaia Mizoram-a rawn zin Goa thalai rual 50 leh Ashtha Laksmi Darshan hnuaia Chandigarh atanga thalai rual 20 rawn zin mek te chu nimin khan Chief Minister Lalduhoma chuan CM Conference Hall-ah a kawm a, Mizoram-a an cham chhungin a tam thei ang ber fang kuala, Mizoram nena inpawhna thuk tak, inhriattawna tam tak neih tum turin a chah a. “Thalaite hi India ramin resource a neih hlu ber in ni a, kum 2047-a Developed Country nih kan tumna kawnga pawh mawhphurhna pawimawh tak chelhtute in ni. India ramah hnam hrang hrang kan cheng a, kan inkara inunauna tha neih hi ram hmasawnna tura kan hmalakna tinreng ah a pawimawh avangin hetiang programme kan han buatsaih thinte hi a tangkai hle a ni,” tiin Hlim taka hun hmang turin duhsakna a hlan a ni.

School Education Department Officer te chuan nimin khan School Education Minister Dr. Vanlalthlana hovin Aizawl-a School Education Complex Conference Hall-ah Quarterly Review Meeting vawi 9-na an nei a, he hunah hian Minister chuan Quarterly Review …

Tourism Minister Lalnghinglova Hmar chuan Mizoram chu India Thlasik khawpui (Winter Capital of India) a siam turin hma a la chhunzawm mek tih sawiin, Krismas hunpui laia Mizoram tlawh turin khualzinte a sawm.