Mizo Marriage and Inheritance of Property Act zirchianna hun buatsaih a ni
National Commission for Women (NCW) leh Mizoram State Commission for Women (MSCW) tangkawp buatsaih he sawihona ah hian Minister Lalrinpuii chuan Women Commission-in Mizo Inneih leh Rokhawmna Dan zirhona hun a buatsaih chu lawmawm a tih thu a sawi a. ‘The Mizo Marriage & Inheritance of Property Act 2014,2026’ a siam that (amend) tak chu Mizo mipui, a bik takin hmeichhiate dinhmun nasa taka nghawng thei Dan pawimawh tak a ni tih sawiin, Sawrkar pawhin hmeichhiate hamthatna, an dikna leh chanvo humhalhsakte chu a ngaih pawimawh berte zing a mi a ni, a ti a. Hemi kaihhnawihah hian Mizoram State Commission for Women chuan kum 2014 atanga tun thlengin case 545 zet a dawn tawh bakah, chung zinga case 535 lai chu a chingfel tawh tih a sawi bawk.
Minister Lalrinpuii chuan MSCW chuan theihtawp chhuaha Mizo hmeichhiate dinhmun kaihhnawih Dante ennawn chu a mawhphurhna pawimawh tak a ni tih pawh sawiin, Mizoram sawrkar chuan hmeichhiate dinhmun ngaipawimawh tak chungin Dan siam thatah pawh Sumchhuah-a nupa an inthenin Hmeichhia ten nupa thawhchhuah atanga zaa sawmnga (50%) thlengin an hauh ve theihna turte an telh tih a sawi a. Dan zirhona chuan rah tha tak a chhuah bakah mipui vantlang thinlungah Dan hriatchian zualna leh awmze nei zawka hmanna ah te kawngro a sut ngei a beisei tih a sawi bawk.
Consultation Meeting hi hun thum-a then niin Inneih, Inthen leh Rokhawm chungchangte chu a mal mala zirho a ni a kalkhawmte atanga rawtna awm angte ngaihthlak niin heng rawtna hrang hrang lutte hi MSCW chuan thlifimin Sawrkarah rawtna a thehlut leh dawn a ni.
He hunah hian tlawmngai pawl leh Kohhran hrang hrang hruaitute bakah mi thiam sawm bikte an tel a. Mizoram State Commission for Women Chairperson C. Zodinpuii chuan he hun hi kaihruaiin thupui a sawizau a. Technical Session-in chhunzawmin Mizoram Commission for Women-a Legal Cell Member T. Lalnunsiama chuan kaihruaiin hun an hmang a ni.