Anthurium Festival hman dan tur sawiho

Tourism Minister Lalnghinglova Hmar hovin nimin khan a Pisa-ah Anthurium Festival neih dan tur chungchang  ngaihtuah a ni a, kumin hian October 1 atanga 3 chhung khian Reiek leh Ailawng-ah ‘Anthurium Festival’ hi neih tura ruahman niin Cultural programme bakah Adventure lam hawi - Trekking, Cave Exploration (Khuangchera Puk, Thawmpawnga Puk and Ngaitei Puk), Silai inkahsiak leh a dangte a awm ang a. Naupang infiamna hmun te, Pangpar huan tlawh tur te, Mizo Infiamna chi hrang hrang entir leh Festival chhimtute tana tel ve theihna tur thil chi hrang hrang siam tum a ni a. Mizo zaithiam lar te sawmin Leikapui Night leh a kharna concert ropui tak buatsaih tum a ni bawk. Tourism Minister chuan Anthurium Festival chu tualchhung mai bakah State pawn atangin tourist a tam thei ang ber an kal theih nan tan lak a ngaih thu a sawi bawk.