Kolasib District hotute kawm

Union Minister of State for Youth Affairs and Sports Raksha Nikhil Khadse-i chuan nimin khan Saitual DC Conference Hall atangin biakhmuh theihna hmangin Kolasib-a Head of Officeb te leh tlawmngai pawl aiawhte a kawm a. He hun hi Kolasib Bawrhsap H. Dolianbuaia chuan kai-hruaiin Department hrang hrang hotu ten an hmalakna leh hnathawh te tarlangin, Union Minister-in zawhna a neihte chu pawh an chhang nghal zel a ni. Union Minister Raksha Nikhil Khadse chuan Agriculture leh Horticulture lamah Kolasib District-in a titha chu fakawm a tih thu sawiin, District chhungah infiamna (sports discipline) hrang hrang a than chhoh zel theih nan leh Sports infrastructure te tihhmasawn a nih theih nan duhsakna a hlan bawk. Union Minister hi Kolasib tlawh tura ruahman ni mah se rokhawlhna a awm tak avangin a hmunah a kal thei ta lo a ni.