DoNER Secretary in Thenzawl a hmalakna tur a enfiah

Serchhip District rawn tlawh mektu sawrkar laipui Ministry of DoNER Secretary Chanchal Kumar chuan nimin khan Thenzawl tlawhin Vawiin hian Mizoram hmundang a tlawh leh ang.
DoNER Secretary hian nimin-a Serchhip-a hun a hman zawh hnuah Thenzawl hi tlawhin Thenzawl Venghlun-a Handloom Cluster tlawhin Thenzawl Golf Course &  Resort-ah hun a hmang leh a. He hunah hian Thenzawl Peace City hnuaia hmalakna pakhat Greenfield Development siamna tura hmalakna chu Power Presentation hmangin Nelvin Raphael, Senior Architect & Urban Expert, IPE GLOBAL chuan a entir bakah a sawifiah bawk. Hemi hnu hian hian Thenzawl Vengthar a Helipad & Heliport siamna tur chu a hmunah a enfiah zui bawk a. Greenfield Development siamna hmun tur hi a tlawh nghal a ni.

DoNER Secretary Chanchal Kumar hi Planning & Programme Implementation Secretary Lalmalsawma Pachuau bakah Serchhip Bawrhsap Paul L. Khuma, Addl. DC Lalrinzuala leh mi pawimawh dang ten an tawiawm a, nizan khan Thenzawl-ah riakin Vawiin hian Sairang a Ginger Processing Unit leh Vairengte-Sairang Road 4-Lane laih mek te a tlawh bawk ang.