CM leh DoNER Secy inkawm

Mizorama rawn zin mek sawrkar laipui Ministry of DoNER-a Secretary Chanchal Kumar IAS leh Chief Minister Lalduhoma te chu nimin khan Chief Minister Pisa-ah inkawmin Ministry of DoNER kaltlanga Mizoram hmalakna hrang hrang an sawidun a. Ministry of DoNER-a Mizoram sawrkar project inchiah mek (pending projects) te chu a rang lama chinfel sak turin Chief Minister hian a lo ngen a. Sum sanction chhung rei thin chuan hnathawhna lamah nghawng a neih thin avangin tihtawi dan ngaihtuah a tul thu a lo hrilh bawk.

DoNER Secretary Chanchal Kumar hian Mizoram in tunhnaia Sawhthing Processing Unit a nei thar chu a lawmpui thu Chief Minister hi a hrilh a. Sawhthing chu Mizorama loneitu tam takte innghahna a ni a, an tharchhuak tam chho zel bawk a. A processing unit lam hi DoNER chuan a ngaipawimawh hle a ni, a ti. He inkawmna ah hian Chief Minister hi Vanlaldina Fanai, Commissioner & Secretary to CM chuan tawiawmin DoNER Secretary hi Serchhip District panin a chhuak zui nghal a ni.