Lawngtlai Bawrhsap in tlawh

Lawngtlai District Bawrhsap Donny Lalruatsanga chuan nimin khan Lawngtlai District chhunga Diltlang South, Chawngtelui, Mualbu 'L' leh Hmunlai khuate tlawhin Village Council Member-te nen an inkawm a, heng khaw hrang hranga VC te hian an mamawh te Bawrhsap hnenah hian lo thlenin, Bawrhsap chuan khawtlang mipuite harsatna zirchiang tura a hmun ngei kal a nih thu a sawi a. Village Council hrang hrang ten harsatna leh khaw-tlang mamawh a hnena an lo thlengte chu a theih chin china tihlawhtlin a tum thu a sawi bawk. Lawng-tlai DC chuan VC-te chu khawtlang mipuite enkawltu ber an nihnaah theihtawp chhuah turin a chah a. Mipuite rawngbawl chu hna zahawm tak a ni tih hre reng tur leh mahni inphahhniam chunga hna thawk turin a fuih bawk.