Mizoram DGP in Siaha a tlawh

Mizoram-a Police hotu lu, Director General of Police (DGP) Sharad Agarwal chuan nimin khan Siaha Police Station tlawhin an hnathawh dan hrang hrang bakah file a enfiah a. FIR an ziahluh dan chu uluk zawka kalpui a ngaih thu sawiin, FIR file hnuah Register-a ziahluh nghal zel a ngaih thu a sawi a, Siaha Police Station Building chu tha hle mah se an hman tangkai thiam tawk lo thu leh Room hrang hrang awm te hman tangkai a pawimawh thu a sawi a, thawktute chu tan la zual turin a chah nghal bawk. Mizoram DGP hian Siaha Police Station a enfiah hnuah Police Station Conference Hall ah thawktute kawmin Siaha Superintendent of Police Manjeet Singh Sankhla chuan Siaha District chungchang a sawifiah a, hmasawnna tur hrang hrang sawiho a ni bawk a. Hemi hnu hian SP Office leh Police hmun te a tlawh zui bawk a ni.