Lunglei-ah ILP enfiah a ni

Mizoram sawrkar Home Department thu-chhuak bawhzuia Lunglei District Bawrhsap in a din, Inspection Team chuan nimin khan Lunglei Municipal Council (LMC) huamchhung ah hnamdangte Inner Line Pass (ILP) an endik a. Lunglei District Bawrhsapin ILP endik tura Inspection Team a dinah hian SDC i/c ILP chu Leader niin, Lunglei Sub-Divisional Police Officer chu Assistant Leader leh YMA Lunglei Sub-Hqrs. President chu Member a ni a. Inspection Team hi hmun hnihah inthenin, LMC huam-chhung Veng hrang hrangah ILP an endik a, ILP fel lo mi 20 vel hmuhchhuah niin, dan anga ILP tinung tur leh thuneitute hmaa inlan tura hriattir an ni. Lunglei District-a ILP endik hi a tul anga kalpui chhunzawm zel tum a ni.