Electric current man vangin boral

/

Vawiin (Jan. 5, 2024) chhun dar 1:30 vel khan Lalhriatpuia (36), Serchhip Bukpui chu Electric current man vangin a boral. 


Thudawn danin Serchhip-a Power & Electricity Department-a thawktute chuan Vawiin khan Serchhip Bukpui-a LT Line, NH. 54 laihzauh avanga sawn ngai sawnin hna an thawk a. Chhun dar 12:30 vela ban an phun dawn laiin Bukpui Branch KTP hnatlang a thawk, chhun chawlh lai-a an In a haw tur Lalhriatpuia, Upa Lalduhawma fapa chuan puiin Electric ban an phun tur hian Bukpui atanga Serchhip lama Power pekna line chu a tawk palh a, hei hian hnathawktute leh Lalhriatpuia hi manin Lalhriatpuia hi New Serchhip-a Mercy Hospital panpui nghal a ni a, Serchhip District Hospital panpui ni leh mah se a boral zui a. Midang pathum chuan hliam an tuar bawk a ni.

Comments

  1. Anonymous5 January 2024 at 18:02

    A van pawi thin vawng vawng vele, nunna hi a hlu sia, P&E dept ah thawk velo mahse a tlawmngaihna avanga nunna chan a ni sia, Sawrkar in a lu man tur tal pe thei ngeise ka van ti em..

    ReplyDelete

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »