Mipa leh hmeichha kar zau tihtlemna tur zirho a ni

Mipa leh Hmeichhe inkar zau lutuk tihtlemna tura hmalakna, ‘District Level Launching of Community LED Campaign Against Gender Discrimination’ chu nimin khan Mizoram State Rural Livelihoods Mission, District Rural Development Office, District Mission Management Unit (DMMU) Serchhip District buatsaih Serchhip P&E Veng YMA Hall-ah neih a ni.

Nimin-a he hun hman hi DMMU-a District Functional Specialist (DFS) PC. Vanneia chuan kaihruaiin khuallian nia he hun hmanpuitu DRDO Serchhip-a Project Director HD. Lalpekmawia chuan India ram hmundang thlirin Mizo hmeichhia te an vannei hle a, hnamdang ngaih-tuah chuan hmeichhia leh mipa inthliarna kan nei tawh lo hle a, amaherawh chu India ram hmundang ah la nasa hle thung a, hmeichhiate dikna chanvo zirtir a la tul viau tih a sawi a. Kan ram a mipa boral tam ta lutuk chu Nu te mawhphurhna a ni tih kan hmeichhia ten an hriat tel a tul thu pawh sawiin, Inchhung khur inrelbawl na ah hian Pa chauh nilo nu te mawhphurhna a sang hle a ni, a ti bawk.

Nimin-a he hun hman ah hian Resource Person atan Lalchhanhimi, Centre Administrator, One Stop Centre chu hman niin Hmeichhia te chunga hleilenna chi hrang hrang leh Inchhung khura tihduhdahna leh harsatna an tawh palhna awm theia hmeichhiate humhimna dan leh an chanvo te a sawi a, One Stop Centre leh Women Help Line (WHL) kalphung leh hnathawh thin dante pawh a tarlang bawk a ni.

Women & Child Development Department Serchhip-a District Mission Coordination (DHEW) Lalvensanga pawhin he hunah hian hmeichhiate pawimawhna leh chawikan leh humhalh a tul dan hrang hrangte bakah Sawrkar laipui Scheme PMMVY leh BBBP chungchang te a sawifiah bawk. Nimin-a he hun hman ah hian DMMU hnuaia Village Organization (VO) te leh Presbyterian English School Zirlaite leh DMMU staff te an tel a ni.