Hnahthial District-ah In thiat duh lo thiah sak niin Lunglei-ah vaukhanna hnuhnung pek an ni bawk

National Highway-54 laih hna thawh mekah Hnahthial District a chhungkaw pahnih chu zangnadawmna an lak hnuah an In leh lo an la thiah loh avangin nimin khan khawl hmanga an In thiah sak an ni.

Nimin a In thiah tak te hi Pangzawl leh Thiltlang-a chhungkaw pakhat ve ve te an ni a, tunkar tir lam khan Hnahthial District chhunga mi 15 te chu District thuneitu ten an hmunah tlawhin zangnadawmna an lak tawh avangin an In leh lo te senghawi turin an hriattir a, hemi hnua la senghawi duh lo te chu nimin khan District thuneitute chuan an In hi an thiah sak ta a ni.

Hetihlai hian Lunglei District-a Zobawk khua ah pawh NH. 54 kawngpui laihzauh tura zangnadawmna dawng tawh, tun thlang an chenna In la thiat duh lo leh insenghawi duh lote chu niminpiah khan District thuneitu ten a hmunah tlawhin tun tum bak hi hun an pek theih tawh loh thu an hrilh a. Compensation la tawh, an In leh lo thiat tura hriattirna dawng tawh te hi Zobawk North-ah mi 16 leh Zobawk South-ah mi 15; an vaiin mi 31 an ni a. Lunglei District thuneitute chuan NH. 54 kawngpui sial hnathawktu NHIDCL te chu Prime Minister Office chuan kumin March thla ralhma ngeia kawngpui sial hna thawk zo turin a hriattir avangin NHIDCL te chuan harsatna an tawhte Prime Minister Office-ah an thlen tih an sawi bawk.

Comments

Popular News (Last 30 Days)

LPG man bithliah thar