SYS Minister in SAI hotu kawm

Sports & Youth Services Minister Lalnghinglova Hmar leh Sports Authority of India Director General Sandip Pradhan chu nimin khan New Delhi-ah an inkawm.

He an inkawmna ah hian Sports Minister Lalnghinglova Hmar chuan Sports lama Mizoram hmasawnna tak tak tur chu Sports Authority of India nena thawhdunna ah thui tak a innghat tih sawiin, Mizoram Sawrkar tharin Sports a kalpui tum danah infiammite tihmasawn tur leh Sports Association te tichak tura ruahmanna a neihte a sawi a. SAI Director General chuan Mizoram kal tum dan chu SAI din chhan nena thil inhmeh tak a nih thu leh SAI atanga puihna awm theite an pek ngei tur thu a sawi a ni.

Hei bakah hian Sports Minister chuan, Mizoram chu SAI hnuaiah Northeast Regional Centre, Manipur hnuaia awm a nih thu leh hei hi Guwahati Regional Training Centre hnuaia sawn a duh thu a sawi bakah Mizoram-a SAI Centre tlawh tur leh Mizorama Sports dinhmun hrechiang tura lo zin turin a sawm a. SAI Director General chuan Minister duhdan te chu an lo sawiho tur thu a sawi a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man