ATL Road siam mek PWD Minister in a enfiah

Azawl-Thenzawl-Lunglei (ATL) kawngpui siam leh cheithat hnathawh mek chu nimin khan PWD changtu Minister Vanlalhlana chuan a hmunah a tlawh.
PWD Minister chuan thawktute chu uluk taka kawng siam hna thawk tura hrilhin, Inkalpawhna kawng tha siam chu sawrkar chuan a ngai pawimawh hle a, an kawng siam quality a tha tawk em tih chu thuneituten an vil reng dawn tih a hrilh a, kawng tha leh tlo, hun rei tak daih thei tura tha siam ngei turin a hrilh a ni.

Aizawl-Thenzawl-Lunglei kawngpui siam leh cheithat hna hi SASCI-II sum hmanga thawh a ni a. PWD hnuaiah Hmuifang Division leh Lunglei Division ten an vil a. Hmuifang Division chanpual lamah hian Defect Liability Period in a la huam chin 71-83kms a thui kawngpui thawmthat hna thawh a ni a, SASCI-II sum cheng vbc. 13.22 hmangin ATL road chainage 83-100kms a thui kawngpui cheithat hna thawh a ni bawk. Lunglei Division chanpual lamah hian SASCI-II hnuaiah kawngpui cheithat hna hi hlawm hnih a then niin Contractor pahnihin an thawk a ni.