China leh Myanmar-ah Mizoram bungrua tur la tang

Mizoram-a sumdawng tam tak ten China atanga bungrua an lakluh tur chu Myanmar tualchhung buaina avangin a thangkhang mek nia sawi a ni a, Mizoram-a sumdawngte hian harsatna nasa tak an tawk mek nia sawi a ni.

Mizoram-a sumdawng tam tak te hian China dawrin, China ram khawpui pakhat Guangzhou chu Mizoram-a sumdawngte’n bungrua an lakna hmun pawimawh ber pawl niin thudawnna chuan a sawi a, Thawmhnaw phei chu Guangzhou-a an lak tam berin sumdawng thenkhat chuan Mizorama thawmhnaw zawrh za zela 50 chuang chu China kutchhuak a nih an rin thu an sawi a. Thawmhnaw bakah hian naupang inkhualtelemna thil (toy) te, mutbu te, Thei te leh thil dangte pawh China atang hian lakluh a ni.

China atanga bungrua an lak hi Myanmar kaltlangin Mizoram-ah phurhluh thin niin, Thlawhna-a phurh man a to avangin Myanmar kaltlanga motor-a phurh hi a man a tlawm bakah boruak pangngaiah chuan nghah rei vak a ngai lo nia thudawn a ni a. Amaherawh chu Myanmar an buai avangin tunhnaiah a kawng a tluang lo hle a. China ram khawpui pakhat Ruili, Myanmar dep khuaah bungrua engemaw zat a tang mek a, Myanmar ram chhungah engemaw zat a tang bawk a. Ruili atang hian Myanmar an bungrua te hi lalutin chuta tang chuan Motor-in Mizoram an panpui leh thin a. Myanmar an buai nasat avangin Myanmar luhpui hman loh bungrua te chu Ruili-ah a tan bakah Myanmar ramchhung ah pawh a tang mek niin an sawi a, nikum Krismas-ah pawh khan sumdawng tam tak chuan harsatna hi an tuar niin thudawnna chuan a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar