Feb. 20, 2024-ah MPCC Inthlanna neih a ni dawn

Mizoram Pradesh Congress Committee (MPCC) Office Bearers (OB) Meeting nimin-a Lal Thanhawla Auditorium-a neih chuan nikum Nov. 30-a MPCC in party Inthlan February 2024-a neih a lo rel tawh ang chu ngaihtuahin Inthlanna hun atan February ni 20, 2024 (Thawhlehni) an ruat a, Party OB leh Executive Member thlan tur a ni ang.

Hei bakah hian MPCC OB thukhawm hian Official Candidate siam relin Official Candidate atan President-ah Senior Vice president nilai Lal Thanzara, Vice President-ah Vice President nilai Lalnunmawia Chuaungo leh Treasurer atan Treasurer nilai Dr Lalmalsawma Nghaka te chu ruat an ni bawk a. MPCC President nilai Lalsawta chuan President nih zui a tum loh thu lo sawi tawhin, “Ka kum a lo tam tawh nen, inthlanna ah chuh ve ka tum tawh lova, Electoral politics pawh hi chawlhsan ka tum tawh a ni,” a ti a ni.

Tarlan tawh angin MPCC hruaitu thlanna hi thuang hnih in an inchuh dawn niin a lang a, Official Candidate bakah hian MPCC Treasurer atanga bang ta Zodintluanga chuan President hi chuhin MLA nilai C. Ngunlianchunga chuan Vice President leh MLA hlui Lalrindika Ralte chuan Treasurer te an chuh dawn nia hriat a ni.

Comments

Popular News (Last 30 Days)

LPG man bithliah thar