Hand Holding Police-ah vbc. 150 dah a ni dawn

Sawrkar kumthar 2024- 2025 Budget-ah ‘Bana Kaih’ (Hand holding policy) kalpuina atan sawrkarin cheng vbc. 150 a dah dawn.

Zirtawpni kalta a Aizawl-a Republic Day hmanna ah Larsap Dr. Hari Babu Kambhampati chuan a sawrkarin kumthar 2024 - 2025 budget atan cheng vbc. 150 chu ‘Bana Kaih’ (Hand holding policy) hnuaiah kuthnathawktute pualin dah a ni dawn tih a sawi a. Ban-a Kaih hmalakna hi kuthnathawktu mahni kutkawiha eizawngte leh Small Scale Industry-ten hmathar an lak theih nana an sum mamawh phuhruk tura ruahman a ni tih a sawi a. Mipui zingah leh a bikin Agriculture leh Industry-a eizawngte tan hamthatna tam ber an chan theih nan he policy hi sawrkar laipui hmalakna kal mekte nen thlunzawm theih dan tur enzui a ni tih a sawi bawk.

Police checkgate thenkhatah dan kalha thil tih awm thin khuahkhirh nan heng hmuna Police Duty zawng zawng chu thupek khauh taka zawm tura hriattir an ni tih Larsap hian a sawi a. Thupek pawi sa lo an awm a nih chuan sawrkarin a ngai thutak hle dawn, tiin, an chungah khauh takin dan lekkawh a ni dawn tih a sawi a. Mizoram sawrkarin ramri kana dan kalha sumdawnna chi reng reng a enliam ngai dawn lo a. Kuhva rah tawlhruk titawp turin sawrkar leh dan kengkawhtu hrang hrangin ngawrh takin an thawk mek zel a ni,” a ti bawk. Hei bakah hian Fertilizer dealer-te chu an licence uluk taka enfiah mek niin, licence hmangsual hmuhchhuah te chu tihtawp sak zel an ni dawn tih a sawi a ni.

Sawrkar kum kal mek chhungin thlai thar lei tan tum a ni a, hemi tur hian sawrkarin cheng vbc. 110 a dahhrang tawh tih Larsap hian a sawi a. Private agency-te nen Sawhthing metric ton 500 leh Hmarcha metric ton 100 loneitute hnen atanga leisak turin thawhhona thuthlung ziahfel a ni tih a sawi bawk.

Comments

Popular News (Last 30 Days)

LPG man bithliah thar