Hmasawnna hnathawhna tur sum leh pai dik taka hman a ni dawn - Chief Minister

Chief Minister Lalduhoma chuan hmasawnna hnathawhna tura sum leh pai an dawn apiang dik taka an hman tur thu a sawi.

Chief Minister hi nimin khan NABARD Mizoram Regional Office-a General Manager KVSSLV Prasada Rao chuan a Pisa-ah kawmin Chief Minister chuan Mizorama-h NABARD sum hmanga hmalakna a tam avanga lawmthu hrilhin, a kaihhruai sawrkar chuan hmasawnna hnathawhna tura sum leh pai an dawn apiang dik taka an hman tur thu a hrilh a. Eng sum hnar pawh ni se, hmasawnna hnathawhna tur an hmuh apiangte chu dik taka hman a nih a, a hun taka zawh a nih zel theih nan Project Monitoring Committee chak tak an din fel tawh tih sawiin, “Heng hmasawnna hnathawhna kan dawn thin te hi a hluin a lawmawm em em a, dik takin kan hmang ngei tur a ni,” a ti. NABARD in kawng tam taka hnathawhna tur sum Mizoram sawrkar an pek avangin lawmthu a hrilh bawk a ni.

He hunah hian NABARD General Manager huan, Chief Minister hi lawmpuina leh duhsakna a hlan a. An sum hmanga hnathawhte a hmunah an en vek thei lo tih sawiin, hna tling lo lutuk nia hriatte chu an hnenah hriattir zel se an duh tih a sawi a. Hna chhia chauh nilovin hna tih khawtlai pawh a awm thin nia an hriat thute a sawi a. Mizoram sawrkarin Office Building tha tak an pek avangin lawmthu a sawi bawk.