Volleyball Final khel dawn

/

Serchhip District Volleyball Association in a buatsaih Republic Day Volleyball, DC Running Trophy chu Vawiin hian Final khelh a ni dawn ta.
 Chanmari Volleyball Court-a khelh mek Republic Day Volleyball DC Running Trophy-ah hian nimin khan Semi Final khelh niin Keitum VC chuan Vengchung VC chu 3-1 (25-17) (25-21) (22-25) (25-14) a hnehin Final an lut a, Semi Final hnuhnung zawkah Khawbel G&SA chuan Darnam VC chu 3-0 (25-23) (25-11) (25-20) a hnehin Final an lut bawk a, Keitum VC leh Khawbel G&SA te hian Vawiin chawhnu dar 2:00 hian Final hi a hmun ngai ah an khel dawn a ni.

Tarlan tawh angin kumin a Republic Day Volleyball DC Running Trophy hi tunkar Thawh-tanni atang khan khelh a ni a, kumin ah hian sum leh pai hmuh a tam loh avangin Mipa inelna chauh buatsaih a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »