Quarry neitu ten CM-ah an harsatna an thlen

Chief Minister Lalduhoma chuan nimin khan a Pisa-ah Mizoram Quarry Association hruaitute kawmin an harsatna te a ngaihthlak sak.

Mizoram Quarry Association hruaitute hian, dan ang thlapa Quarry kalpuitute an nih avangin Chhiah pawh sawrkar ah an pe tha thin tih sawiin, mahse dan lova quarry siamten chung Chhiah chu chawi lovin thil an kalpui a, Dan anga kalpuituten an tuar nasa em em niin an sawi a. Dan anga quarry neite chauhvin lung an lak theih nan hma laksak tura dilin, Quarry leh Explosive License chungchanga harsatna an neih te pawh an thlen a ni. Chief Minister chuan an harsatna sawite chu chipchiar taka ziakin a hnena thehlut turin a chah a. Licensing chungchanga harsatna an tawh thin, hun duh rei lutuk thin chu anni mai ni lo, midangte pawhin an tuar tih sawrkarin a hriatpui thu a sawi a, hemi kawnga harsatna sukiang tur hian sawrkarin Single Window Clearance System kalpui dan a dap mek tih a lo hrilh a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man