RBSK hnuaiah naupang te hriselna dinhmun enfiah sak

Rashtriya Bal Swasthya Karyakram (RBSK) Mobile Health Team te chuan nimin khan Presbyterian English School, New Serchhip-a zirlaite hriselna dinhmun an enfiah sak.
Serchhip CMO Office hnuaia Rashtriya Bal Swasthya Karyakram (RBSK) Team te hian nimin khan PES New Serchhip hi tlawhin zirlai naupang te hi an BP, HB leh an Mit te a thlawnin an enfiah sak a, RBSK hnuaia hmalakna hi kum 2013 khan kalpui tan ni tawhin nausen thla 6 atanga kum 18 inkar School leh Anganwadi naupangte hriselna endik hna thawh thin a ni. 

Serchhip District-a RBSK Programme hnuaiah hian Doctor 4, Pharmacist leh Health Worker te awmin, Mobile Health Team pahnih ah then an ni a, Serchhip District chhunga zirna In te chu kum khatah vawi khat leh Aganwadi Centre te kum khatah vawi hnih an tlawhchhuak thin a. Naupangte hriselna dinhmun an enfiah sak bakah a tul angin damdawi te pawh pek thin an ni a, he hmalakna kaltlanga naupang hrisel lohna nei hmuhchhuah thenkhat te chu enkawlna tha zawk an dawn theihna turin District Early Intervention Centre (DEIC)-ah tirh an ni leh thin a. Zai ngai te chu an senso tum saka zai an ni thin bawk.