MEFCOF hmalakna EF&CC Minister in tha a ti

Evironment, Forest & Climate Change Minister Lalthansanga chuan Mizoram Environment & Forest Consultative Forum (MEFCOF) te hmalakna chu tha a tih thu a sawi.

Mizoram Environment & Forest Consultative Forum (MEFCOF) hruaitute hian niminpiah khan EF&CC Minister Lalthansanga hi a Pisa-ah kawmin an hmalakna hrang hrangte an sawiho a, kum 1988-a din MEFCOF hmalakna hian Mizoram khaw hrang hrangah ramngaw humhalh chungchang inzirtirna neih thin niin khaw 170 chuangah VCP kaihhruainaa Thuthlung ziakin ramngaw humhalh mek hmun 172 an nei tawh a. Heng ramngaw leh nungcha humhalhna hmun hi ‘Zotheihuan’ tiin hmang an vuah a, a enkawl dan hi ‘Khawih loh Policy’ tih a ni bawk.

EF&CC Minister Lalthansanga chuan MEFCOF hmalakna chu fakin, Ramngaw leh nungcha humhalhna tura hmalatu pawl hrang hrang an awm chu lawmawm a tih thu a sawi a. “Sawrkar hi mipui ta a nih angin ramngaw leh tui hi mipui ta leh kan nunna hnar a ni a, a humhalh leh a tihpun pawh mipui ten kan mawha kan lak a tul takzet,” tiin hetiang kawnga hmalatu hi sawrkar pawhin puih an inhuam thu a sawi bakah Ramngaw humhalh leh lui tui tihpun lehna kawngah Sawrkar tha tichaktu ni zel turin MEFCOF hotute chu a sawm bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man