Rajya Sabha MP in Mizoram chhimlam a tlawh

Mizoram Rajya Sabha MP K. Vanlalvena chuan kar kalta Niliani a\anga Inrinni chhung khan Mizoram chhim lama Myanmar ramri dep khaw thenkhat tlawhin Mara District leh Lai District-a Model Village pahnih Phura leh Pang khua te a tlawh nghal bawk.

Rajya Sabha MP hian Mizoram chhim tawpa Myanmar Refugee hruaitute Chapui khuaah tlawhin an dinhmun te a enfiah a. Khawchhung mite nena an inkarah harsatna awm thei chi hrang hrangte a sawipui bakah raltlan naupangte sikul zirtirtu hlawh a tum pui tur thu a hrilh a. Hmangaih taka lo tuamhlawmtu Mizoram mipuite laka that chhuah let ve chu raltlante tih makmawh a nih thu a sawi a ni.

Rajya Sabha MP hian Phura khawtlang tih hmasawn dan tur hrang hrang te khawtlang hruaitute a sawipui bakah, Pang khua chu International Trade Route pawimawh tak la ni tur a nih avangin motor kawng sialna tura compensation avanga harsatna awm thinte tihkian a pawimawh thu te a sawipui bawk a. Myanmar ramri khaw engemaw zat tlawhin Indo-Myanmar ramri hung tumna awm mekin a nghawng theih tur te zirchian pahin ramri depa awm mipuite ngaihdan a zawt pah bawk a. Myanmar nena Mizoram inkar ramri thui tak hi Tiau lui leh Chhimtuipui lui te a nih avang leh heng luite hi pi leh pu atanga an lui ramvahna an nih avangin heng lui pahnih te ramri hung pawna dah hi pawm theih a nih loh tur th an lo thlen hlawm a. Sawrkar laipui hotute hnenah thlen ngei a tum Rajya Sabha MP chuan a sawi a ni.

Comments

Popular News (Last 30 Days)

LPG man bithliah thar