MPSOA in sawrkar hmalakna an thlawp tih an sawi

Mizoram Police Subordinate Officers’ Association (MPSOA) chuan Dan lova sumdawnna titawp tura sawrkar hmalakna chu zaa za an thlawp thu an sawi.

MPSOA hruaitute hian nimin khan Home Minister, K. Sapdanga chu a Pisa-ah hmuin, an pawl nihphung leh hmalakna te an sawipui a. Hemi hnua thuchhuah an siamah MPSOA chuan, kumthar tir, thla chanve pawh a ral hmain Heroin cheng nuai 31 man hu leh kuhva rah ip 624 Police te'n Mizoram hmun hrang hrangah an man thei chu an lawm hle tih an sawi a, dan lova sumdawnna titawp tura Home Minister hmalakna tha an tih thu sawiin, ram siamthatna kawngah Mizo mipuite leh NGO hrang hrangte tawiawmna an ngen a ni. 

MPSOA chuan, tun thla ni 13 zana Champhai, Khankawn Police check Gate-a Duty Officer thusawi ni awm tak, sawrkar tihmingchhe zawng leh Police hmel tibal thei zawnga Social Media-a thehdarh chu an zirchian hnuah, thuthang kha Duty Officer irawm chhuak a nih loh thu chiang takin an finfiah tih an sawi a, hetianga thu dik lo post-tu hi dan anga hrem ngei an duh thu sawiin, dikna humhalh turin theihtawp an chhuah dawn a, dan lova sumdawngte leh mi huamhauh tlemte avanga Police hmai tihbalh an phal ngai dawn loh tih an sawi. Mizoram Police-te chuan thuruk vawn kawngah rinawm tur leh Social Media hman danah pawh fimkhur leh zual turin an member te an chah a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar