MYC Chairman in USAID hotute a kawm

/

Mizoram Youth Commission (MYC) Chairman Malsawmzuala Ralte chuan Mizoram tlawha rawn kal United States Agency International Development (USAID) aiawhte chu niminpiah khan thil pawimawh hrang hrang a sawipui.

United States Agency International Development (USAID) atanga lokal Kachina Chawla leh Sharmila Neogi, Health System Strenghtening Division USAID, New Delhi te hi niminpiah tlai khan MYC Chairman hian Regency Hotel-ah kawmin Mizo thalaite chu pianpui finna leh thiamna (skill) lamah an sang tih a hrilh a. Amaherawh chu hun remchang leh hmun remchang an neih loh avanga an theihna (potential) ang te la chhuak lo mai niin a sawi a. Mizo thalai tanpui ngai thenkhat ruihhlo bawiha awm te chhanchhuah nan enkawlna changtlung leh felfai (Professional) tak awm tura a duhthu te a thlen a. Hna hnathawk thei thalai awm tamna-ah hna thawh tur mumal a awm lo chu thil inhmeh lo a inhmeh lo tak a nih thu sawiin, hna harsa chuan khawtlang harsatna hrang hrang, a bikin thalaite chungah a siam tam niin a sawi bawk.

USAID hotute pawhin an theih ang ang a puibawm turin an inhuam thu leh Mizoram sawrkarin thalaite enkawltur bik MYC a siam chu tha an tih thu an sawi a. Hriselna lam leh zirna lamah te thawhho theihna tur ang ang te an sawiho bawk. USAID hi US sawrkarin a din niin India nen kawng hrang hrang, ei leh bar hmasawnna te, zirna leh hriselna lamah te an thawkdun mek a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »