Mizoram in inthlanpui a hmachhawn thin dan chhuanawm a tih thu Governor in a sawi

Mizoram Governor Dr. Hari Babu Kambhampati chuan Mizoram in inthlanpui a lo hmachhawn thin dan chu chhuanawm a tih thu a sawi.

National Voters’ Day 2024 puala Inkhawm nimin-a Assembly Secretariat Conference Hall-a neih a hmanpuina ah Governor chuan Election Commission of India (ECI) hna thawh that te sawiin, ECI hnathawh that avang hian India ram chu democracy ram hlawhtling, democracy ram dang te tan pawha awhawm ah a siam mek tih a sawi a. Ram changkang te pawhin an kalpui ngam loh EVM hman a nih theihna tura harsatna hrang hrang paltlangin ECI chuan tunah hian India ram chu inthlanpui thianghlim leh langtlang, hlawhtling taka kalpuina hmunah a siam mek tih a sawi a. Mizoram in inthlanpui a lo hmachhawn thin dan chu chhuanawm a tih thu pawh sawiin, he hlawhtlinna ropui tak a lo awm theih nan hian Zoram mipui te, khawtlang hruaitute, Kohhran leh NGO ang ten State Election Office tha takin an thlawp thin tih a sawi bawk.

Governor chuan inthlan kan hmachhawn leh turah Zoram mipui te chu phur taka vote thlak tura sawmin, kan aiawha roreltu tur thlan kawnga kan mawhphurhna pawimawh zia te hre thar leh vek turin a chah a. Inthlan laia duty zinga nunna chan ta - Z. Lalmuanzuala, 4th IR Battalion, Lalfakawma, 2nd IR Battalion, C. Zonunsanga, Aadhar Operator, DC Office, Serchhip leh Rajpal Singh, 156 Bn CRPF te a ui thu sawiin, an inpekna hlu tak chu chhuanawm a tih thu a sawi bawk.

Comments

Popular News (Last 30 Days)

LPG man bithliah thar