Khua te tui te hamthatna hrang hrang inhrilhna hun VBSY chu Mizoram-ah tluang taka zawhfel a ni

Sawrkar laipuiin khua leh tui te hamthat nana ruahmanna a siam hrang hrang mipuite hnena inhrilhhriatna atan leh anmahni khua ngeia inzirtirna tura a buatsaih, Vikshit Bharat Sankalp Yatra (VBSY) chu Mizoram-ah tluang takin zawhfel a ni ta.

Mizoram sawrkar-a Planning Department atanga thudawn danin sawrkar laipui hmalakna hrang hrang mipuite an khua ah ngei kalchilha inhrilhhriatna hun, Vikshit Bharat Sankalp Yatra (VBSY) Campaign hi nikum December thla atang khan Mizoram-ah neiin Campaign neih nana tinzawn khaw 660 zinga khaw 649-ah Campaign neih a ni a, hei hi zaa 98.3 a ni a, mi 60,824 telin hemi hun chhung hian mi 33,617 te hriselna enfiahsak a ni. VBSY Campaign neih chhung hian sawrkar laipuia mi pawimawh, VVIP 33-in Mizoram an rawn tlawh a; Surakhsha Beema hnuaiah mi 556 inziaklutin Jeevan Jyoti-ah mi 449 an inziaklut a; PMU-Y hnuaiah mi 1,413 an inziak lut bawk.

He Campaign neih chhung vek hian Hmeichhia, zirlai, infiammi leh kutthiam thil nei an vaiin mi 3,259-te chu lawmman pek an ni a. Mi 33,599-in Sankalp an la a, thlai chin nana lei a that leh that loh hmun 265-ah enfiah a ni a khaw 234-ah a dawng turte hnenah Ayushman Card pek vek a ni tawh a; chhung kaw 241-te chu tui in tur thianghlim pek an ni a; mi 18-te chu HGJ Abhinandand Patra pek an ni a, khaw 92-ah ram neitute digital-in chhinchhiah fel vek an ni a, khaw 334 te chu ODF Plus Model an ni a, khaw dang 63-te chu ODF plus Model Abhinandahan Patra pek an ni bawk.

VBSY Campaign chhung hian Drone Demonstration vawi 83 neih a ni bawk a, mi 12,758 te chu ‘My Bharat Volunteer’ atan an inziaklut a, mi 1,598 te Kisan Credit Card siam sak niin Ayushman Bharat Card 12,758 semchhuah a ni a, Meri Hahaani Meri Zubaani Benficiary 3,562 an awm bawk a ni. VBSY hi nikum kum-tawp lama Assembly Inthlanna nei State te tan December thla atang khan kalpui a ni.