Raltlan ten Siaha Auto Rickshaw driver an that

Siaha-a Auto Rickshaw Auto Rickshaw Driver pakhat chu thah ngei nia hriat in a boral a, Myanmar atanga rawn raltlan ten an thah nia hriat a ni.

Thudawn danin Siaha-a Auto Rickshaw (MZ-03-7550) khalhtu KL. Zoasa, ECM Vaih, Siaha hi nizan hmasa khan mi thenkhat ten Siaha atanga Lawngtlai kalna atan hmangin nizan hmasa dar 9:00 vel atang khan a chhungte chuan an be thei lo a, nimin khan Siaha dai-ah a Auto Rickshaw hi hmuh niin a Motor hmangtute hi Myanmar atanga raltlan rawn lut mi pali nia hriat an ni a, an zinga mi pathum te chu Police te hian man tawhin thu zawhfiah an nih hnuah KL. Zoasa hi an that niin an sawi.

Siaha Police chuan Auto Rickshaw khalhtu thattu nia insawi, an kuta awm mek mi pathum zinga mi pakhat hruaiin ruang an dahna nia an sawi Tuipui Ferry hi nimin tlai khan an panpui a, a ruang hi Lawngtlai atanga KM 3 vela hla, raltlan dahna thlenhma kawngthlang meter 200 velah hmuh a ni a, he thu buatsaih lai hian a ruang hi Siaha-a lak tura buaipui mek a ni. He thil thleng avang hian mipui thahnem tak chu Tuipui Ferry-ah hian an pungkhawm bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man