International Day for Biological Diversity hmang

International Day for Biological Diversity chu nimin, May 22, 2022 khan khawvel hmun hrang hrangah hman niin Thenzawl Forest Division pawhin he ni pual hian Thenzawl-a Jawahar Navodaya Vidhyalaya (JNV) te nen hun an hmang a ni.

International Day for Biological Diversity hi khawvel pumah Biodiversity hlutna leh mihringte damkhawchhuahna atana an pawimawhna te inzirtirna hun atan hman thin niin kumin hian ‘Buidling a shared furure for all life’ tih thupui hmangin he ni hi hman a ni. Thenzawl Forest Division-a thawktute chuan nimin khan he ni pual hian Jawahar Navodaya Vidhyalaya (JNV) Thenzawl-ah zirtitute leh zirlaite nen hun hmangin he hunah hian Thenzawl DFO Lalbiakchama Chawngthu chuan Biodiversity pawimawhna leh humhalh an tul zia a lem nen entirin zirtirna a pe a. Zirtirtute leh Zirlaite nen sawihona hun hlawk thlak tak an hmang bawk a ni. Biodiversity Day puala inzirtirna hun hman zawh hian thingphunna JNV Campus-ah hian an hmang nghal a ni bawk.

International Day of Biological Diversity pual hian Mizoram Pollution Control Board hnuaia Mizoram ENVIS Hub leh National Green Corps-te buatsaihin Inrinni khan Aizawl khawpui chhûnga School atanga Eco Club member-te chuan Aizawl Sahuan, Sakawrtuichhun ami chu tlawhin RO leh Sahuan enkawltute’n Sahuan hi fanpuiin an hrilhfiah nghal bawk a ni.