Tourist Lodge thiat tura thupek dodal zel tum

Khanpui leh Lailak VC leh NGO tangrualte chuan National Green Tribunal-in Chalfilh tlang-a Tourist Lodge thiat tura thupek a chhuah chu a tawp thlenga dodal an tum.

Khanpui YMA President Lalrinmawia chuan, “Kan ram anih angin Chalfilh tlang-a Tourist Lodge tihchhiat tumna hi kan do tlat a, hemi chungchangah hian High Court-ah pawh PIL kan thehlut tawh a ni,” a ti a. Chalfilh chu Forest ram a ni lo nia sawiin, “Forest ram ni tur chuan notification-te chhuah a, hearing-te neih a tul a. Mahse, heng zawng zawng hi tih a ni lo vek a ni,” a ti a. Tourist Lodge thiah chu an dodal tlat tih sawiin, “Tuna Lodge hi thiat mah se a sawngsawhlawtna tur a awm lo a, keini chuan tun aia changtlung zawkin cheibawl se, an sak zawh loh te hi sak zawh nise kan duh zawk a ni,” a ti bawk. 

Khanpui leh Lailak All NGO Coordination Committee chuan Forest Department-in an ram chhhung anga an lo cheibawl thin, Chalfilh Tourist Lodge chu, Lailak leh Khanpui ram chhung a nih angin engti kawng maha thiah an remtih ngai loh thu an sawi a. Mizoram sawrkarin July 13, 1976-a Chalfilh State Reserved Forest Area atana notification a lo chhuah chu a ram neitu, Lailak leh Khanpui khuaten an hriatpui lo mai ni lovin a huam chhung khuaah te Public Hearing neih a ni lo niin an sawi a. Vawiin hian Khanpui, Lailak, Buhban leh Lungpher khuate chuan inhmuhkhawm a, hmalakho dan tur rel an tum nia thudawn a ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar