Heroin No. 4 Hawng 6 man

/

Serchhip Police te chuan Zirtawpni zan khan Keitum leh Khawlailung inkar Tuichang lui kamah Heroin No. 4 Hawng 6 manin hemi kaihhnawih ah hian mi pahnih pawh man nghal an ni.


 Serchhip Police te hian Zirtawpni zan khan Tuichang lui kamah hian Motor lo kal te enfiah hna thawkin hetah hian Bolero ML-08D/6577 atangin heng Heroin No. 4 te hi an man a, he Motor khalhtu leh motor a chuang dang mi pakhat, Atar Uddin (23) leh Rehan Uddin (26), Karimganj, Assam nia insawi te chu manin thubuai siam sak an ni a, Inrinni khan Serchhip District Court-ah hruai nghal an ni.

Heng mi pahnih te hian Silchar lama an pu hovin Ningani khan Biate-ah Thirchhe phur Truck la turin an rawn kal tih an sawi a, Biate an thlen hnu hian an pu hian kalsanin tlai lama a rawn let leh hnuah an pahnih hian Bolero hi khalh haw tura tiin, amah hi Truck-ah hian a chuang haw niin an sawi a, heng damdawi hi an phur tih pawh an hriat loh thu sawiin, Police te hian hemi chungchang hi an chhui zui nghal bawk a ni. Tun tuma Police ten damdawi an man hi Hawng 6 (gram 75.36) niin International Market ah chuan cheng nuai 3 man vel nia chhut a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »